الحرية لعلاء عبدالفتاح

Submitted by BooDy on Sun, 2011-10-30 17:03.




في سنة 2006 كلاب مبارك من وزارة الداخلية قبضوا على علاء عبدالفتاح و مجموعة كبيرة من النشطاء و لفقوا لهم تهم كتير و اتسجنوا أكتر من ست اسابيع.
ساعتها كتبت التالي:


First they ignore you. Then they laugh at you. Then they fight you. Then you win

مرينا بأول 3 مراحل في السنه و نص اللي فاتوا و ان شاء الله المرحلة الأخيره قريبه رغما عن انف مبارك و زبانية مبارك.


في 2011 علاء اتقبض عليه بعد الثورة اللي اطاحت بمبارك و حبيب العادلي و برضو من قبل كلاب مبارك بس المرة دي من الجيش اللي بيقوم بدور وزارة الداخلية أثناء حكم مبارك.

قررت اليوم النيابة العسكرية حبس علاء عبدالفتاح 15 يوم على ذمة التحقيق في تهم ملفقة له. مفيش فرق بين الشرطة العسكرية و أمن الدولة و زي ما قلنا من 5 سنين النصر قادم رغما عن أنف مبارك و كلابه، علاء ان شاء الله هيخرج قريب و النصر قادم رغما عن أنف المجلس العسكري و كلابه اللي باعوا الثورة و خانوا الشعب.

الحرية لعلاء عبدالفتاح و يسقط حكم العسكر


( categories: )